كان نفسى فعلا اتعامل مع البريد المصرى بواسطة: محمد اشرف

انا قلت اودع مبلغ من مدخراتى فى البريد (حساب جارى ) واعطونى شيكات من
الفرع الى اودعت فية فى اسوان وكانت نصيحة من الموظفة فى الفرع انها
تختملى بعض من الشيكات من الضهر بختم الفرع ان التوقيع مطابق ( اصلى ساكن
فى اسكندرية وشغلى فى اسوان ) فلو كنت فى اسكندرية معرفش اصرف من الفلوس
الا لما اعدى على اسوان ؟؟؟؟ تخلف منهم لله . المهم الحمدلله كان ختم
الشيك بمطابقة التوقيع حلت المشكلة بالرغم من خطورة ذلك قلت على قدهم
وربنا يسهل
عانيت والله كتير من سوء المعاملة من الموظفين كانى بشحت
وروح صور البطاقة . التوقيع بالقلم دة مينفعش ووووو تجاهل من الموظفين فى
كل المكاتب ( مرة كنت لواحدى على الشباك وقعدت نصف ساعة لغاية ما حد عبرنى .
ده غير ان الكمبيوتر دايما عطلان وبرضة متعرفش ايه الى شغال الخميس او
الجمعة او السبت ؟؟؟
كل ده وروتين اسود وممكن يعدى لحد ما حصل الى حصل معايا فى مكتب محرم بيه بالاسكندرية
فى
اليوم دة كان معايا شيكين مختومين وللاسف بطاقتى مفقودة بس معايا صورتها
واخدت البسبورت بتاعى وكمان رخصة القيادة ( مع ان الشيك المختوم زى ما انا
عارف حيريحنى )
المهم الموظف استقبلنى بمنته قلة الادب وحاولت اقنعة
انة معاه صورة البطاقة وانى الباسبورت يثبت شخصيتى وكمان الرخصة دة غير انى
مسافر اسوان وكمان المبلغ 500 جنية يعنى مصاريف السكة ومحتاجهم ضرورى .
المهم بعد تدخل زملائه حن عليا
بس بصمنى على الشيك كمان ولما جه يصرف وقف وقالى روح صورلى الباسبورت من برة
انا
مبحبش كدة بس قلت اعديها وخرجت صورت ورجعت قالى هات الشيك ؟؟؟ ازاى ده
انا سايبه معاك . رد لا محصلش انت ممكن تكتب الشيك التانى والاول ضع ؟؟؟
يا سلام
رد على زميل له محدش حيقدر يصرف الى ضاع غيرك . دة انا ماضى
مستلم المبلغ وباصم ؟؟؟ وانا مش عيل اهبل . جانى مدير الفرع وطلبت منه
يتصرف وانا عارف رقم الشيك انه يمنع صرفة البيه قلى الخاصية دى مش عندنا
وانى ممكن اروح اعمل محضر
المهم الموظف الى جوة سبنى بامى ومسك عتلة قال اية عاوز يضربنى
بعد
شد وجذب كنت حسلم انى انا وقعت فى ايد عصابة البريد بالمكتب دة بس
الحمدللة نظرا لطبيعة عملى المحاسبى عرفت حل للمشكلة دى انى اسحب بالشيك
التانى كل رصيدى مرة واحدة واهرب بجلدى من منتهى الغباء دة او الحرامية مش
متاكد واللة بس ساعات الغباء يكون اقسى من السرقة
انا اسمى محمد اشرف محمد
وايميلى mashraf_kanater@hotmail.com

منقول من موقع اليوم السابع
http://www1.youm7.com/News.asp?NewsID=984346&SecID=24&IssueID=0&fb_action_ids=445170642237650&fb_action_types=og.likes&fb_source=other_multiline&action_object_map={%22445170642237650%22%3A216628151809082}&action_type_map={%22445170642237650%22%3A%22og.likes%22}&action_ref_map=[]

» اهدار مال هيئه البريد فى عز الظهروعيني عينك موضوع خطير نشر على الفيس بوك بواسطة / الزميل محمد أحمد
» رسالة من الاتحاد النوعي لنقابات البريد إلى الدكتور /اشرف جمال الدين رئيس هيئة البريد
» بشرى ساره -ما تم الاتفاق عليه فى اجتماع الاتحاد النوعى لنقابات البريد المصرى ورئيس هيئه البريد ايمن صادق اليوم 26/7/2012
» اهل الكهف فى البريد المصرى
» اقتراح لرئيس البريد المصرى