استفسار بخصوص الحقوق المترتبه على ضم المده

عدد المساهمات : 3 تاريخ التسجيل : 26/09/2012

هل سنصرف الفروق الماديه عن السنوات اللى فاتت والا الفروق حاتكون بس عن المده من شهر 9/2011 لان فيه ناس كانت قبل كده مؤقته بالهيئه ولما انضمت لهم المده السابقه صرفوا متجمد كويس وصل 8000 جنيه لبعض الناس عايزين نعرف احنا موقفنا ايه بالظبط ومدى قانونيه الكلام ده وكمان بنود قرار ضم مدتنا هيه ايه فأستأذن المير القاضل للمنتدى انه يوافينا بيها لو تكرم

عدد المساهمات : 18 تاريخ التسجيل : 21/07/2012

نص القرار بيقول تصرف الفروق من تاريخ استحقاقها او من تاريخ استلام العمل بالوظيفة المؤقتة أيهما أقرب
وطبعا الأقرب هو استلام العمل بوظيفة مؤقتة اللى مضينا عليه فى شهر 9/2011
يعنى هنصرف الفروق من 9/2011 حتى 30/6/2012
بس السؤال الوقتى الفرق ده هيكون أساسي فقط
ولا أساسي + طبيعة العمل + الحافز

مشرف عدد المساهمات : 135 تاريخ التسجيل : 14/03/2012

الادارة المركزية للشئون الادارية والافراد
الادارة العامة لشئون العاملين التسويات
قرار رقم4411 فى 26/7/2012
وكيل الازهر
.بعد الاطلاع على قانون رقم 103 لسنة 1961بشان اعادة تنظيم الازهر
.وعلى القانون رقم 47لسنة1987 بشان نظام العاملين المدنيين بالدولة
.وعلى قرار وزير التنمية الادارية رقم5547 بشان ضم مدة الخدمة العملية
.وعلى موافقة لجنة شئون العاملين بمحضرها رقم 9لسنة 2012 بتاريخ 26/6/2012

قرر

مادة (1):تسوية حالة السادة الواردة اسماؤهم بالكشوف المرفقة وعددها46 كشف وعدد الاسماء بها 1064 اسم

اولهم السيدة/نها جمال متولى كوهية سجل رقم 300303
واخرهم السيد/محمد محمودحسن احمد سجل رقم297292

بتعديل اقدميتهم كما هو موضح قرين اسم كل منهم بدلا من 29/9/2011(تاريخ
تثبيتهم)بضم مدة التجنيد لمن لهم مدة خدمة بالقوات المسلحة +مدة خدمتهم
السابقة بنظام التعاقد
مادة( 2): صرف الفروق المستحقة لهم من تاريخ مباشرتهم العمل بالازهر
مادة(3):على الجهات المختصة تنفيذ هذا القرار كل فيما يخصه

السكرتارية وكيل الازهر

وبعدين قول كل الى في نفسك من غير خجل أو كسوف عاوز تقول ياخيبتنا التقيلة ولا عاوز تقول يا وكستنا ويا عفرتنا يحنا
قول يا عم ولا يهمك
مش أحنا معمولين حقل تجارب وبيجربوا فينا زي الفئران والى يموت ملوش ديه حت من وكلاء المكاتب وكل الى عاوزين يرقوه يعملوه رئيس هيئة شهر واتنين ويجي يجرب فينا السياسات الفاشلة والخاسرة
لنا الله ياحازم

محمداسماعيل كتب:: نص القرار بيقول تصرف الفروق من تاريخ استحقاقها او من تاريخ استلام العمل بالوظيفة المؤقتة أيهما أقرب
وطبعا الأقرب هو استلام العمل بوظيفة مؤقتة اللى مضينا عليه فى شهر 9/2011
يعنى هنصرف الفروق من 9/2011 حتى 30/6/2012
بس السؤال الوقتى الفرق ده هيكون أساسي فقط
ولا أساسي + طبيعة العمل + الحافز

الاجابــــــــــــــة
الفرق عن الاساسي + طبيعة العمل + الحوافز

عتلم كتب:: هل سنصرف الفروق الماديه عن السنوات اللى فاتت والا الفروق حاتكون بس عن المده من شهر 9/2011 لان فيه ناس كانت قبل كده مؤقته بالهيئه ولما انضمت لهم المده السابقه صرفوا متجمد كويس وصل 8000 جنيه لبعض الناس عايزين نعرف احنا موقفنا ايه بالظبط ومدى قانونيه الكلام ده وكمان بنود قرار ضم مدتنا هيه ايه فأستأذن المير القاضل للمنتدى انه يوافينا بيها لو تكرم

لو سمحت ممكن تبعتلى نص القرار او صورة منه او حتى رقم القرار حتى يمكن الرد

» استفسار عن بدل انتقال بالنسبه لوكلاء فصل المده وهى لصالح العمل
» مرتبى بعد ضم المده
» فين ضم المده يا رئيس الهيئه
» طريقة رفع الدعوى لإسترداد ضريبة كسب العمل؟
» استفسار بخصوص الفروق المالية الخاصة بضم المدة