رد الصعايده علي المظاهرات

عيقولوا علينا الصعايده مش فاهمين ولا دريانين
ولا في ثورة ولا معارك مشاركين
لا يا خلق احنا فاهمين زين وطول عمرنا حمل بلدنا شايلين
بس إنتو ياللي عتحكوا هو إنتو إمتي كنتوا لينا فاكرين
ولا علي بلادنا مدورين
طول عمرنا خلق شاقينين وطافحين الكوته وعايشين
بنجري علي لقمة عيشنا بالحلال وانتو ولا انتو حاسين
عنتغرب ونسافر لجل ما نقدر نعيش
ونجيب لولادنا هدمة ولقمة عيش
وانتو مقضينها تتطنيش
ولا فارق معاكم نموت ولا نعيش
دلوقتي عتقولوا الصعايده فين ؟
وليه بينا مش حاسين ؟
بعون الله احنا قادرين نقلبها ضلام عالخاينين
بس احنا منحبوش شغل الصغيرين
عندوهم فرصه يعيدوا حسابهم
عشان لو ناوينا عليهم والله في كلمتنا ما راجعين
ما احنا مش ضعاف ولا قليلين
وبمزاجنا لدماغنا مكبرين
اما بلدنا نشيلها عالراس وجوا العين

» غلق مكاتب البريد القريبة من المظاهرات بكفر الشيخ