t= Arabic Transparent]]الادارة الذكيه والرعاية الصحية : ( اللى مزهقنا فى علاجه هيتشل بمزاجه )
قنبله من العيار الثقيل .........................................
وردت لنا معلومات تفيد أنه الى الان لم يتم التعاقد والاتفاق بشكل نهائى مع شركة وادى النيل بخصوص الرعاية الصحيه للعاملين بالبريد على الرغم من الاعلان عنها فى 1/04/2012
بدايه التشغيل وللاسف الشديد الخدمة أسوأ مما يمكن ولم يتم تنفيذ ما تم الاتفاق عليه من ضرورة ان يكون الجميع سواسية من العاملين فى تلقى الخدمة ( فوجئنا بتقسيم العاملين الى 3 فئات واصدار ثلاثثة كارنيهات بالوان مختلفة ) موظفين عاديين ورؤساء الاقسام و المديرين ورؤساء القطاعات vip .
- قالولنا الرعاية هتشمل جميع أفراد الاسرة ( لم تشمل الا الموظف فقط حتى الان ) .
- قالولنا ان الخدمه هتكون ممتازة وعلى أعلى مستوى ( رفعوا نسبه ما يدفعه الموظف نظير العلاج من 20% فى السابق الى 25 % فى الوقت الحالى ) ومستشفى وحيدة ويتيمة فى القاهرة بس هى اللى بتتعامل مع كل العاملين وهى مستشفى المروة بالمهندسين وهى من أسوأ المستشفيات من ناحية التمريض .
زادت الاعباء على الموظف الغلبان دون ان يقابل ذلك ميزة يتمتع بها بل الاسوأ .
- احجز واكشف زى ما انت عايز لكن علاجك هتاخدوا على مزاج الشركة وفى الوقت اللى هى هتحددوا وكله بالفاكس يا باشا وانت حظك يمكن تكون من سعداء الحظ وتصرف علاجك بعد 4 ايام لو ليك وسطة ويكون المريض حاجة من الاتنين وكلاهما مفيد للادارة ( اما يموت وترتاح منه واما يزيد عليه المرض وياخد اجازة مرضى ويوفر الحافز ) .
ما سبق عن تجربة اعرف مدير عام مكنش عارف يصرف الدواء الخاص بيه لاكتر من 5 ايام
- الجديد بقى فى الخدمة هو العلاج باستخدام التكنولوجيا تماشيا مع لغة العصر ( علاجك هتاخده بالفاكس ) يبعتوا فاكس للشركة بالعلاج وهى تختار الروشتة الاقل تكلفه وتوافق على صرفها بالذمه ده اسمه كلام . وغيره كتير من السلبيات فى مشروع الرعايه الكفنيه الجديد
وأصبح الشعار الجديد المرفوع الان من اجل خدمة الموظفين
عزيزى الموظف فى البريد المصرى متقلقش على نفسك ( حضر كفنك وقريب جدا هنجيب أجلك ) علشان تبطل تفتح بوقك .
